შინაგანი კატასტროფა, გარეგან კატასტროფაზეა დამოკიდებული… რომ არ იყოს, დამოუკიდებლობას დიდხანს ვერ შეინარჩუნებდა … და მოკვდებოდა … ჩემმა შინაგანმა ყვირილმა გონების ვირტუალური კედლები გაანგრია,გულიდან ამოსკდა და გარეთ გავარდა და იკივლა …
საკუთარმა ყვირილმა გამომაღვიძა , გადამარჩინა … კედლები რომ არ გამენგრია საკუთარ თავშივე ჩავიხრჩობოდი , საკუთარ კატასტროფულ სიზმარში , საშინელი სიკვდილია , მაგრამ ორიგინალური …
დასაწყისში იყო არაფერი. ამ სიტყვის სრული მნიშვნელობით, არაფერი, თქვა მან, მაგრამ არაფერი გულისხმობს, რომ რაღაც მაინც არის, ანუ მაღლა და დაბლა, მწარე და ტკბილი, კაცი და ქალი, ბედნიერება და უბედურება. მეგობრებო, არ მინდოდა ამის თქმა, მაგრამ ეს არის ერთგვარი მცირედი იმპლიკაცია უშველებელში. თუ არ მოგწონთ აქ ყოფნა, წადით იქ, საიდანაც მოხვედით.
აქ ყველა სიტყვა გახსნილია ვ ე რ ჰ ო რ ი ზ ო ნ ტ ა ლ უ რ ა დ ი კ ა ლ უ რ ა დ
და აღარაა დაფარული არცერთი ასო.
სიტყვები ძებნით გადაღლილი, დრო და მნიშვნელობა შემოცვეთილი, დაისაკუთრა კროსვორდის უჯრამ.